2019 թվականի հունվար ամսվա ընթացքում ԱՀ տարածք են ներմուծվել 7.5 մլրդ դրամ գումարի չափով ապրանքանյութական արժեքներ, որը 2.2 մլրդ դրամով կամ 42.7 տոկոսով գերազանցել է նախորդ տարվա նույն ցուցանիշը: Ներմուծման ծավալների աճ արձանագրվել է հիմնականում գյուղատնտեսական ապրանքների, բժշկական տեխնիկայի, վառելիքի և արդյունաբերական ապրանքների հաշվին: Նույն ժամանակահատվածում արտահանվել են 7.3 մլրդ դրամ գումարի չափով ապրանքանյութական արժեքներ` նախորդ տարվա նույն ժամանակահատվածի 9.3 մլրդ դրամի դիմաց կամ պակաս 20.8 տոկոսով, ինչը պայմանավորված է հանքագործական արտադրանքի արտահանման ծավալների նվազմամբ: Ըստ մասնաբաժինների գերակշռել են Վարդենիս-Մարտակերտ և Գորիս-Ստեփանակերտ ճանապարհահատվածներով կատարվող ներմուծումներն ու արտահանումները: Մասնավորապես, նշված ճանապարհահատվածներին տեղակայված հսկիչ կետերում արձանագրված տվյալների համաձայն, 2019 թվականի հունվար ամսվա ընթացքում Վարդենիս-Մարտակերտ ճանապարհահատվածով ներմուծվել և արտահանվել են համապատասխանաբար 3.8 մլրդ դրամ և 6.6 մլրդ դրամ գումարի չափով ապրանքանյութական արժեքներ, իսկ Գորիս-Ստեփանակերտ ճանապարհահատվածով` համապատասխանաբար 3.7 մլրդ դրամ և 0.7 մլրդ դրամ գումարի չափով:
|