2019 թվականի առաջին եռամսյակի ընթացքում ԱՀ տարածքում ԱՊՊԱ պայմանագրեր են կնքել 10359 տրանսպորտային միջոցի սեփականատերեր: Նույն ժամանակահատվածում տեղի է ունեցել 434 պատահար և կատարվել է 63,940.9 հազար դրամի չափով հատուցում, միջին հատուցման գումարը կազմել է 177,1 հազար դրամ: 2019 թվականի առաջին եռամսյակում կազմակերպվել է օրենքով սահմանված դեպքերում առևտրային կազմակերպությունների պարտադիր հրապարակման ենթակա ֆինանսական հաշվետվություններն ստորագրելու իրավունք տալու համար հաշվապահների որակավորման 1 քննություն: 2019 թվականի ապրիլի 1-ի դրությամբ որակավորված հաշվապահների թիվը կազմում է 28: 2019 թվականի առաջին եռամսյակի ընթացքում լիցենզավորման բնագավառում «Լիցենզավորման մասին» ԼՂՀ օրենքի համաձայն անվանափոխության պատճառով վերաձևակերպվել է մրգային օղիների արտադրության 1 լիցենզիա, դադարեցվել է 2 լիցենզիայի գործողություն՝ գինու արտադրության և վիճակախաղերի կազմակերպման: «Լիցենզավորման մասին» ԼՂՀ օրենքի 36-րդ հոդվածի 1-ին մասի 11-րդ կետի համաձայն տարեկան պետական տուրքը չվճարելու պատճառով կասեցվել է 6 լիցենզիայի գործողություն:
|