առանձին ապրանքների համար արտահանման և ներմուծման ժամանակավոր սահմանափակումների վերաբերյալ Ի գիտություն տնտեսավարող սուբյեկտների ԱՀ ֆինանսների նախարարությունը տեղեկացնում է, որ ՀՀ պարետի 2020 թվականի մարտի 19-ի N 6 որոշմամբ առանձին ապրանքների համար սահմանվել են ՀՀ-ից արտահանման ժամանակավոր սահմանափակումներ, իսկ ՀՀ պարետի 2020 թվականի մարտի 22-ի N 12 որոշմամբ ապրանքների փոխադրման սահմանափակումներ են սահմանվել Իրանի Իսլամական Հանրապետության և Հայաստանի Հանրապետության միջև: Մասնավորապես, երրորդ երկրներ արտահանման ժամանակավոր սահմանափակումներ են նախատեսվել բժշկական արտադրատեսակների և էթիլային սպիրտի մասով: Իրանի Իսլամական Հանրապետությունից Հայաստանի Հանրապետություն և Հայաստանի Հանրապետությունից Իրանի Իսլամական Հանրապետություն թույլատրվում է որոշակի ապրանքների փոխադրումը, ինչպիսիք են ցեմենտը, սալիկները, ներկերը և այլն: ԱՀ տնտեսավարող սուբյեկտներին հորդորում ենք նախքան երրորդ երկրներ (Հայաստանի Հանրապետությունից դուրս) ապրանքների արտահանման, ինչպես նաև Իրանի Իսլամական Հանրապետությունից ապրանքների ներմուծման կամ արտահանման գործարքներ իրականացնելը մանրամասն ծանոթանալ ՀՀ պարետի 2020թ. մարտի 19-ի N 6 և 2020 թ. մարտի 22-ի N 12 որոշումներին:
|