2018 թվականի օգոստոս ամսվա ընթացքում ԱՀ տարածք են ներմուծվել 10.2 մլրդ դրամ գումարի չափով ապրանքանյութական արժեքներ, որը 593.3 մլն դրամով կամ 6.1 տոկոսով գերազանցել է նախորդ տարվա նույն ցուցանիշը: Նույն ժամանակահատվածում արտահանվել են 10.7 մլրդ դրամ գումարի չափով ապրանքանյութական արժեքներ, որը գերազանցում է նախորդ տարվա նույն ցուցանիշը 3.1 մլրդ դրամով կամ 40.9 տոկոսով:

    «Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ԱՀ օրենքին համապատասխան` 14.09.2018թ. դրությամբ Զինծառայողների ապահովագրության հիմնադրամին է փոխանցվել վարձու աշխատողների և անհատ ձեռնարկատերերի կողմից վճարված 269.8 մլն դրամի չափով դրոշմանիշային վճարներ:

    Հանրային հատվածի հաշվապահական հաշվառման նոր համակարգի անցումը սահուն կազմակերպելու նպատակով, ԱՀ ֆինանսների նախարարության մասնագետների կողմից պարբերաբար կազմակերպվում են ուսուցողական դասընթացներ հանրային հատվածի կազմակերպությունների հաշվապահների հետ: Հերթական դասընթացը մեկնարկել է սեպտեմբերի 11-ին, որում ընդգրկվել են Քաշաթաղի շրջանի վարչակազմի և նրա ենթակայության տակ գտնվող 11 ՊՈԱԿ-ների հաշվապահներ:

    Արցախի Հանրապետության ֆինանսների նախարարությունը հանրային քննարկման է ներկայացնում հարկային օրենքների նախագծերի փաթեթը: Բոլոր շահագրգիռ իրավաբանական և ֆիզիկական անձինք կարող են իրենց առաջարկություններն ու դիտողություններն ուղարկել հարկային մարմնի էլեկտրոնային փոստին` info@taxservice.nk.am հասցեով, մինչև սույն թվականի սեպտեմբերի 15-ը:

    Օգոստոսի 28-ին ֆինանսների նախարարության ու աուդիտորների և հաշվապահների ասոցիացիայի նախաձեռնությամբ մեկնարկել են քառօրյա սեմինար-դասըթացներ, որոնց մասնակցում են շինարարության, էներգետիկայի և հանքարդյունահանման ոլորտներում գործունեություն իրականացնող հարկ վճարողների հաշվապահները: