Արցախի Հանրապետության ֆինանսների նախարարությունը հանրային քննարկման է ներկայացնում հարկային օրենքների նախագծերի փաթեթը: Բոլոր շահագրգիռ իրավաբանական և ֆիզիկական անձինք կարող են իրենց առաջարկություններն ու դիտողություններն ուղարկել հարկային մարմնի էլեկտրոնային փոստին` info@taxservice.nk.am հասցեով, մինչև սույն թվականի սեպտեմբերի 15-ը:

    Օգոստոսի 28-ին ֆինանսների նախարարության ու աուդիտորների և հաշվապահների ասոցիացիայի նախաձեռնությամբ մեկնարկել են քառօրյա սեմինար-դասըթացներ, որոնց մասնակցում են շինարարության, էներգետիկայի և հանքարդյունահանման ոլորտներում գործունեություն իրականացնող հարկ վճարողների հաշվապահները:

  Հրատարակվել է «Հարկեր, տուրքեր և վճարներ» օրենքների ամփոփ ժողովածուն 2018 թվականի մայիսի 1-ի դրությամբ գործող խմբագրությամբ: Ժողովածուն ներառում է.

    - հարկատեսակների մասին օրենքները.

    - տուրքերին և այլ պարտադիր վճարներին վերաբերող օրենքները.

  Օգոստոսի 24-ին Արցախի Հանրապետության ֆինանսների նախարար Արթուր Հարությունյանը Երևանում հանդիպել է ՀՀ կենտրոնական բանկի նախագահ Արթուր Ջավադյանի հետ: Հանդիպման ընթացքում քննարկվել են երկու հայկակական պետությունների ֆինանսական համակարգերի զարգացման հեռանկարների, տնտեսական աճի վրա բանկային կարգավորման ազդեցության, տնտեսական զարգացման միտումների և  արդի մարտահրավերների  վերաբերյալ հարցեր:

 2018 թվականի օգոստոսի 17-ին ԱՀ ֆինանսների նախարարության կողմից անցկացված հաշվապահների որակավորման քննության արդյունքներով հանձնաժողովի կողմից տրվել է որակավորված հաշվապահի մեկ վկայական: