 2019թ. փետրվարի 11-ին եզրափակվեց ֆինանսների նախարարության կողմից հարկ վճարողների համար կազմակերպված սեմինար-խորհրդակցությունների հերթական շարքը: Սեմինար-խորհրդակցություններն անցկացվեցին Ասկերանի, Մարտակերտի, Մարտունու, Հադրութի, Շուշիի, Քաշաթաղի շրջաններում և Ստեփանակերտ քաղաքում գործող հարկ վճարողների հետ: Հանդիպումների ընթացքում ներկայացվեցին 2019 թվականի հունվարի 1-ից հարկային և հարակից օրենսդրության մեջ կատարված փոփոխությունները: Հարկ վճարողներին առավելապես հետաքրքրում էին հաստատագրված ու արտոնագրային վճարների մասով կատարված փոփոխությունները, որոնցով առավելագույն բարենպաստ պայմաններ են ստեղծվել փոքր ու միջին ձեռնարկատիրությամբ զբաղվող հարկ վճարողների համար, ինչպես նաև «Հարկային և այլ պարտադիր վճարների գծով արտոնություններ սահմանելու մասին» ԱՀ օրենքով նախատեսված արտոնությունների շրջանակը, օգտվելու ընթացակարգերը և ժամկետները: Նախարարության մասնագետները մանրամասն ներկայացրեցին օրենքի դրույթները` կոչ անելով հարկ վճարողներին ժամանակին դիմել հարկային մարմին` պարտավորությունների մարման ժամանակացույցի կազմման և արտոնություններից օգտվելու նպատակով: Հանդիպումների ընթացքում հարկ վճարողները հնարավորություն ունեցան նաև նախարարության մասնագետներին ուղղել իրենց հուզող հարցերն ու ստանալ համապատասխան պարզաբանումներ: Օրենքներին մանրամասն կարող եք ծանոթանալ tax.nk.am կայքէջի «Հարկային օրենսդրություն» բաժնի «Նոր օրենսդրական ակտեր» ենթաբաժնում:
|
392.60
4.21
