Հունիսի 27-ին Ազգային Ժողովի կողմից երկրորդ ընթերցմամբ ընդունվել է «Կուտակային կենսաթոշակների մասին» Արցախի Հանրապետության օրենքի նախագիծը՝ ուղեկցող օրենքների նախագծերի փաթեթով:

    Նախագծերի շուրջ ծավալված մտքերի փոխանակության ընթացքում ելույթ են ունեցել պատգամավորներ Էդուարդ Աղաբեկյանը, Գագիկ Բաղունցը, Ռիտա Մնացականյանը և Արթուր Թովմասյանը: Եզրափակիչ ելույթում ֆինանսների նախարար Արթուր Հարությունյանն անդրադարձել է պատգամավորների հնչեցրած հարցերին` ներկայացնելով համապատասխան պարզաբանումներ:

    Ստորև հարց ու պատասխանի տեսքով ներկայացնում ենք պարզաբանումներ` ներդրվող կենսաթոշակային բազմաստիճան համակարգի շրջանակներում կատարվող սոցիալական վճարների և կուտակային հատկացումների վերաբերյալ: