Բյուջետային գործընթաց
Գանձապետական համակարգ
Ֆինանսական վերահսկողություն
Հաշվապահական հաշվառում
Աուդիտ
Փողերի լվացման և ահաբեկ-չության ֆինանսավորման դեմ պայքար (AML/CFT)
Պետական գնումներ
Թանկարժեք մետաղների բնագավառ
Վիճակախաղեր և շահումով խաղեր
Լիցենզավորում` պարզ ընթացակարգով

Արցախի Հանրապետությունում 124 հարկ վճարողներ ստացել են օրինապահ հարկ վճարողի կարգավիճակ  
26.12.2019

ԱՀ ֆինանսների նախարարը հավաստագրեր է հանձնել օրինապահ հարկ վճարողների չափանիշներին համապատասխանող հարկ վճարողներին

    ԱՀ ֆինանսների նախարար Արթուր Հարությունյանը այսօր հավաստագրեր է շնորհել 124 հարկ վճարողների, ովքեր համապատասխանում են «Օրինապահ հարկ վճարող» կարգավիճակին:

    Շնորհակալություն հայտնելով ներկաներին օրինապահ գործընկեր լինելու համար՝ Արթուր Հարությունյանը նշել է, որ տարեվերջյան այս հանդիպումները ավանդական են դարձել, որոնց նպատակն է խրախուսել բոլոր այն հարկ վճարողներին, ովքեր ամբողջ տարվա ընթացքում բարեխղճությամբ են կատարել իրենց պարտականությունները պետական բյուջեի հանդեպ: «Այսօր բարեխիղճ հարկ վճարողների ու հարկային մարմնի հետևողական աշխատանքի շնորհիվ մեզ հաջողվել է կատարել պլանային առաջադրանքները` ապահովելով պետական բյուջեով ստանձնած սոցիալական, կրթական, առողջապահական և այլ ծրագրերի իրականացումը»,-իր խոսքում շեշտել է նախարարը` հավելելով, որ նախորդ տարիների համեմատ այս տարի ավելի մեծ թվով հարկ վճարողներ են ճանաչվել օրինապահ:

    Նախարարն անդրադարձել է նաև 2019 թվականին էլեկտրոնային կառավարման համակարգում իրականացված նորարարություններին. մասնավորապես, ներդրվել են հարկային հաշիվների դուրս գրման էլեկտրոնային համակարգը, հարկային պարտավորությունների ավտոմատ հաշվառման համակարգը, ընդլայնվել հարկային հաշվետվությունների էլեկտրոնային ներկայացման համակարգի շրջանակները, գործարկվել e-taxpayer բջջային հավելվածը: Հարկ վճարողներին մատուցվող ծառայությունների միօրինակությունն ու միասնականությունն ապահովելու և դրանց որակը բարձրացնելու նպատակով հաստատվել է հարկ վճարողներին մատուցվող ծառայությունների միասնական ստանդարտը: «Այս ամենն ուղղված է բիզնեսի համար առավելագույն նպաստավոր պայմանների ձևավորմանը, որի արդյունքում հարկ վճարողները ոչ թե ռեսուրսներ կծախսեն հարկային դաշտը շրջանցելու և հարկերից խուսափելու վրա, այլ դրանք կուղղեն հարկերի` ամբողջական և ժամանակին վճարմանը»,- ընդգծել է նախարարը:

    Հանդիպման ավարտին Արթուր Հարությունյանը ներկաներին շնորհավորել է ամանորյա տոների կապակցությամբ և մաղթել ընտանեկան ջերմություն, առողջություն ու նորանոր ձեռքբերումներ:

    Օրինապահ հարկ վճարողի հավաստագիր ստացած հարկ վճարողների ցանկերին կարող եք ծանոթանալ tax.nk.am:



վերադառնալ


ՓՈԽԱՐԺԵՔ
USD (07/02) 483.36 դրամ
EUR (07/02) 545.47 դրամ
RUB (07/02) 6.88 դրամ
ԹԱՆԿԱՐԺԵՔ
ՄԵՏԱՂՆԵՐԻ ԳՆԵՐ
Արծաթ (II եռ.) 220.80 դրամ
Պլատին (II եռ.) 11254.55 դրամ
Ոսկի (II եռ.) 25549.52 դրամ
Տեսանյութեր