Հոկտեմբերի 14-16-ը ԱՀ ֆինանսների և էկոնոմիկայի նախարարի տեղակալ Անդրանիկ Գասպարյանը աշխատանքային այցով եղել է ՀՀ-ում Նախարարի տեղակալը այցի ընթացքում արցախյան մի շարք արտադրողների հետ մասնակցել է Buy Armenian երկրորդ ամենամյա համաժողովին: Ներկա է գտնվել ArmProd EXPO 2022 միջազգային մասնագիտացված ցուցահանդեսի բացման արարողությանը, որը համարվում է տարվա գլխավոր իրադարձություններից մեկը, որին մասնակցում են սննդամթերքի և խմիչքների առաջատար արտադրողները, մատակարարները և դիստրիբյուտորները: Այցի շրջանակում Ա. Գասպարյանը հանդիպումներ է ունեցել ՀՀ էկոնոմիկայի նախարարի տեղակալներ Արմեն Արզումանյանի և Ռաֆայել Գևորգյանի հետ, քննարկել Արցախի տնտեսության զարգացմանն ուղղված մի շարք հեռանկարային հարցեր:
|