Հոկտեմբերի 27-ին գումարվել է ԱԺ 7-րդ գումարման 6-րդ նստաշրջանի հերթական նիստը ԱՀ ԱԺ հերթական նիստում քննարկվել և որպես օրենք է ընդունվել ««Արցախի Հանրապետության 2022 թվականի պետական բյուջեի մասին» օրենքում փոփոխություններ և լրացումներ կատարելու մասին» օրենքի նախագիծը: Որպես հիմնական զեկուցող նախագիծը ներկայացրել է ԱՀ Ֆինանսների և էկոնոմիկայի նախարարի առաջին տեղակալ Նորայր Ավանեսյանը: ԱՀ 2022 թվականի պետական բյուջեում ավելացումներ կկատարվեն: Առաջարկվող փոփոխությամբ՝ ԱՀ 2022թ. պետական բյուջեի` սեփական եկամուտները կավելանան 5,000.0 մլն դրամով, ինչը պայմանավորված է որոշ հարկ վճարողների հարկման բազայի ճշգրտմամբ; ծախսային մասում կլրացվի նոր ծրագիր՝ «Պատերազմական գործողությունների` հետևանքով, տեղահանված և (կամ) բնակտարածք կորցրած անձանց բնակարանային կարիքի ժամանակավոր բավարարման նպատակով դրամական աջակցություն տրամադում»,որի համար նախատեսվում է 5,0 մլրդ դրամ:
|