Ի գիտություն Արցախի Հանրապետության տնտեսավարող սուբյեկտների՝ ֆինանսների նախարարությունը տեղեկացնում է, որ ԱՀ կառավարության 2020 թվականի մայիսի 18-ի N 372-Ա որոշմամբ կորոնավիրուսի տնտեսական հետևանքները մեղմացնելու նպատակով մասնավոր հատվածի մի շարք ոլորտների համար նախատեսվել են աջակցության ծրագրեր` ուղղված գործատուների կողմից արդյունավետ աշխատատեղերի պահպանմանն ու փոքր ձեռնարկատիրության գործունեության շարունակականության ապահովմանը: Ծրագրերի շահառու համարվող բոլոր այն հարկ վճարողները, ովքեր ցանկանում են օգտվել աջակցության ծրագրերից` մինչև 2020 թվականի հունիսի 15-ը (ներառյալ) tax.nk.am կայքէջի միջոցով էլեկտրոնային եղանակով հարկային մարմին պետք է ներկայացնեն դիմումներ: Տնտեսավարող սուբյեկտները ծրագրերով նախատեսված աջակցության ենթակա ոլորտների ցանկին, աջակցության չափերին ու ստացման եղանակին կարող են ծանոթանալ այստեղ:
|