2020 թվականի փետրվարի 4-ին ԱՀ ֆինանսների նախարարության կողմից անցկացված աուդիտորների որակավորման քննության արդյունքներով հանձնաժողովի կողմից տրվել է որակավորված աուդիտորի մեկ վկայական:

Նախնական տվյալներով 2020 թվականի հունվար ամսվա ընթացքում ԱՀ պետական բյուջե մուտքագրված հարկային եկամուտները և տուրքերը կազմել են 3003.6 մլն դրամ` պլանավորված 2900.0 մլն դրամ ցուցանիշը գերազանցելով 3.6 տոկոսով կամ 103.6 մլն դրամով: Պետական բյուջե մուտքագրված հարկային եկամուտների և տուրքերի գումարից 2360.8 մլն դրամը կամ 78.6 տոկոսն ապահովվել է խոշոր հարկ վճարողների հաշվին:

    «Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ԱՀ օրենքին համապատասխան՝ 2019 թվականի ընթացքում Զինծառայողների ապահովագրության հիմնադրամին են փոխանցվել վարձու աշխատողների և անհատ ձեռնարկատերերի կողմից վճարված 518.1 մլն դրամի չափով դրոշմանիշային վճարներ:

Նախնական տվյալներով 2019 թվականի ընթացքում ԱՀ պետական բյուջե մուտքագրված հարկային եկամուտները և տուրքերը կազմել են 59113.4 մլն դրամ` 58200 մլն դրամ ճշգրտված պլանային ցուցանիշը գերազանցելով 1.6 տոկոսով կամ 913.4 մլն դրամով, իսկ նախորդ տարվա նույն ցուցանիշը` 10.6 տոկոսով կամ 5649.1 մլն դրամով: Ընդ որում, պետական բյուջե մուտքագրված հարկային եկամուտների և տուրքերի գումարից 46695.3 մլն դրամը կամ 79 տոկոսն ապահովվել է խոշոր հարկ վճարողների հաշվին: